Hindi ko akalaing totoo pala ang isyu ng komersyalisasyon
Plano pa lamang daw ngunit ginagawan na ng aksyon
Ayan ngayon nagtaas ang bayarin sa laboratoryo
Pati ang mga serbisyo doon sa dormitoryo
Maliit ang badyet ng gobyerno para sa edukasyon
Pambayad utang muna raw at militarisasyon
Kaya tayo na naman ang pahihirapan nito
Pati ang gobyerno ay umaayon sa programang ganito
* Hindi inilalako ang edukasyon
Kaya tutulan ang komersyalisasyon
O, tutulan ang komersyalisasyon
Isko ng bayan bakit sobra ang mga binabayaran
Pangakong libreng pasilidad nagayon ay nasaan?
Magkamal ng kita ang interes ng administrasyon
Kaya parang gulay inilalako itong edukasyon
Ulitin *
Ito’y hindi hiwalay na isyu ng pamantasan
Bunga lamang ito ng matinding krisis sa lipunan
Hindi tayo mananahimik sa ganitong kaayusan
Pinatunayan ng kasaysayan lumalaban ang sambayanan
Ulitin *
No comments yet.